തളിപ്പറമ്പ്: സീതി സാഹിബ് സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ നടക്കുന്ന 'തളിപ്പറമ്പ് ഫുട്‌ബോള്‍ മേള 17'ന്റെ ലോഗോ പ്രകാശനം ജില്ലാ കലക്ടര്‍ മീര്‍ മുഹമ്മദലി സ്വിസ്സ് ഗോള്‍ഡ് എം.ഡി നിസാര്‍ അബ്ദുറഹ്മാന് നല്‍കി നിര്‍വഹിച്ചു. ചടങ്ങില്‍ സംഘാടക സമിതി ചെയര്‍മാന്‍ പി.കെ സുബൈര്‍ അധ്യക്ഷനായി.
തളിപ്പറമ്പ് നഗരസഭാ ചെയര്‍മാന്‍ മഹമൂദ് അള്ളാംകുളം പാസ് വിതരണോദ്ഘാടനം നിര്‍വഹിച്ചു. ഡെപ്യൂട്ടി തഹസില്‍ദാര്‍ കെ.വി അബ്ദുല്‍ റഷീദ്, അഷ്‌റഫ് കെവീട്ടി, റഫീഖ് ഡാന്‍ഡി, സകരിയ കായാക്കൂല്‍, കൊടിയില്‍ സലീം, പി.പി നിസാര്‍, കെ. മുഹമ്മദ് ബഷീര്‍,പി.സി നസീര്‍, സി. സിറാജ്, കെ.എസ് റിയാസ് പങ്കെടുത്തു.
ജനറല്‍ കണ്‍വീനര്‍ മിഖ്ദാദ് ചപ്പന്‍ സ്വാഗതവും ക്ലബ് പ്രസിഡന്റ് കുഞ്ഞഹമ്മദ് നന്ദിയും പറഞ്ഞു.