ഈരാറ്റുപേട്ട: : ലഹരി ഉപേക്ഷിക്കൂ, ജീവിതം സുന്ദരമാക്കൂ എന്ന സന്ദേശം ആയിരം ഭവനങ്ങളിലെത്തിച്ച് ചെമ്മലമറ്റം ലിറ്റില്‍ ഫ്‌ളവര്‍ സ്‌കൂളിന്റെ ലഹരിവിരുദ്ധ പ്രവര്‍ത്തനങ്ങള്‍ക്ക് തുടക്കമായി.
സ്‌കൂളിലെ ആയിരത്തോളം വിദ്യാര്‍ഥികളുടെയും അധ്യാപകരുടെയും ഭവനങ്ങളിലാണ് ആദ്യഘട്ടത്തില്‍ ലഹരിവിരുദ്ധ സന്ദേശമടങ്ങിയ സ്റ്റിക്കറുകള്‍ പതിച്ചത്.
സ്‌കൂള്‍ മാനേജര്‍ ഫാ. ജോര്‍ജ് മണ്ഡപത്തില്‍ ഉദ്ഘാടനം ചെയ്തു. ഹെഡ്മാസ്റ്റര്‍ പോള്‍ ജോസഫ്, ജോസ് ജോസഫ്, സിസ്റ്റര്‍ ഷൈനി ജോസഫ്, ജിജി ജോസഫ്, ജെസ്സി എം. ജോര്‍ജ് തുടങ്ങിയവര്‍ പ്രസംഗിച്ചു.