കൊണ്ടോട്ടി: ദുബൈയില്‍ നിന്ന് കരിപ്പൂര്‍ വിമാനത്താവളത്തിലെത്തിയ രണ്ട് യാത്രക്കാരില്‍ നിന്നായി 40.71 ലക്ഷം രൂപയുടെ സ്വര്‍ണം എയര്‍കസ്റ്റംസ് ഇന്റലിജന്‍സ്പിടികൂടി. കണ്ണൂര്‍ സ്വദേശി അഫ്‌സാദ്(27), മലപ്പുറം സ്വദേശി ഷാഹുല്‍ ഹമീദ്(25) എന്നിവരില്‍ നിന്നാണ് 1285.3 ഗ്രാം സ്വര്‍ണം കണ്ടെത്തിയത്.
സ്വര്‍ണ മിശ്രിതം ശരീരത്തിലൊളിപ്പിച്ച് കടത്താനായിരുന്നു അഫ്‌സാദിന്റെ ശ്രമം. ഇയാളില്‍ നിന്ന് 22.22 ലക്ഷം രൂപ വില വരുന്ന 702 ഗ്രാം സ്വര്‍ണമാണ് കണ്ടെത്തിയത്. ഷാഹുല്‍ ഹമീദ് എയര്‍ഇന്ത്യ എക്‌സ്പ്രസ് വിമാനത്തിലാണ് കരിപ്പൂരിലെത്തിയത്. സ്വര്‍ണമാല ശരീരത്തിലൊളിപ്പിച്ച് കടത്താനായിരുന്നു ശ്രമം. ഇയാളില്‍ നിന്ന് 18.49 ലക്ഷം രൂപ വില വരുന്ന 583.3 ഗ്രാം സ്വര്‍ണമാണ് കണ്ടെത്തിയത്.