ഹരാരെ: സിംബാബ്‌വെ ക്രിക്കറ്റ് ടീമിന്റെ പുതിയ പരിശീലകനായി മുന്‍ ഇന്ത്യന്‍ താരം ലാല്‍ചന്ദ് രജ്പുതിനെ നിയമിച്ചു. 1979ന് ശേഷം ആദ്യമായി ലോകകപ്പിന് യോഗ്യത നേടാന്‍ ടീമിന് സാധിക്കാതെ പോയതിനെ തുടര്‍ന്നാണ് രജ്പുതിനെ താത്കാലിക പരിശീലകനായി നിയമിച്ചിരിക്കുന്നത്.
ഹീത്ത് സ്ട്രീക്കിന്റെ പരിശീലനത്തിലാണ് സിംബാബ്‌വെ ലോകകപ്പ് യോഗ്യതാ പോരാട്ടത്തിന് ഇറങ്ങിയത്. എന്നാല്‍ യോഗ്യത നേടാന്‍ സാധിക്കാത്തതിനെ തുടര്‍ന്ന് മുന്‍ നായകന്‍ കൂടിയായ സ്ട്രീക്കിനെ സിംബാബ്‌വെ ക്രിക്കറ്റ് ബോര്‍ഡ് പുറത്താക്കുകയായിരുന്നു. 2007ല്‍ ഇന്ത്യ പ്രഥമ ടി20 ലോകകപ്പ് ചാംപ്യന്‍മാരാകുമ്പോള്‍ രജ്പുതായിരുന്നു പരിശീലകന്‍.