പെരിയ: പുല്ലൂര്‍ പെരിയ പഞ്ചായത്ത് പരിധിയിലെ എന്‍ഡോസള്‍ഫാന്‍ ആംബുലന്‍സ് കട്ടപ്പുറത്തായിട്ട് ഒരു വര്‍ഷത്തോളമായിട്ടും നടപടിയില്ലെന്ന് ആക്ഷേപം. ഇതു കാരണം എന്‍ഡോസള്‍ഫാന്‍ ദുരിത ബാധിതര്‍ക്ക് അവശ്യ ഘട്ടങ്ങളില്‍ മറ്റു ആംബുലന്‍സുകള്‍ ആശ്രയിക്കേï അവസ്ഥയാണ്. ഏതാï് ഒരു വര്‍ഷം മുമ്പാണ് ഈ ആംബുലന്‍സ് അപകടത്തില്‍ പെട്ട് കട്ടപ്പുറത്തായത്. മംഗളൂരു ഭാഗത്തേക്ക് രോഗിയുമായി പോകുകയായിരുന്ന ആംബുലന്‍സ് കാസര്‍കോട് നുള്ളിപ്പാടിയില്‍ വച്ച് ഒരു ഓട്ടോറിക്ഷക്ക് ഇടിക്കുകയും അപകടത്തില്‍ കോളിയടുക്കം ഭാഗത്തെ റിക്ഷാ ഡ്രൈവര്‍ മരിക്കുകയും ചെയ്തിരുന്നു.
അപകടത്തെ തുടര്‍ന്നു മുന്‍ഭാഗം പാടെ തകര്‍ന്ന ആംബുലന്‍സ് ഇപ്പോള്‍ കാഞ്ഞങ്ങാട് പടന്നക്കാട്ടെ ഒരു വര്‍ക്ക് ഷോപ്പില്‍ കട്ടപ്പുറത്തു വിശ്രമിക്കുകയാണ്. പഞ്ചായത്ത് അധികൃതര്‍ ഈ വാഹനത്തെ തിരിഞ്ഞു നോക്കുന്നില്ലെന്ന ആരോപണം ഉയര്‍ന്നിട്ടുï്.
അതേ സമയം ശാരീരികമായി തളര്‍ന്നു നില്‍ക്കുന്ന ഒട്ടനവധി രോഗികള്‍ തങ്ങള്‍ക്കു ചികിത്സക്കും മറ്റുമായി ആശുപത്രികളിലെത്താന്‍ കടുത്ത ദുരിതമാണ് അനുഭവിക്കുന്നത്.