ആനക്കര: വധുവരന്‍മാര്‍ക്കും വിവാഹത്തിനെത്തിയവര്‍ക്കും ആശംസകാര്‍ഡിനൊപ്പം പച്ചക്കറി വിത്തുകള്‍ വിതരണം ചെയ്ത് പറക്കുളം ഡിവൈ.എഫ്.ഐ യൂനിറ്റും, പറക്കുളം യുവശക്തി ക്ലബ്ബ് പ്രവര്‍ത്തകരും മാതൃകയായി.
പറക്കുളം തേന്‍കുരിശി പറമ്പില്‍ വേലായുധന്റെ മകന്‍ രജീഷും മേലേഴിയം വലിയ വീട്ടില്‍ കൃഷ്ണന്റെ മകള്‍ ജിനിഷയും തമ്മിലുളള വിവാഹത്തിനാണ് വധുവരന്‍മാര്‍ക്കും വിവാഹത്തിനെത്തിയ മുഴുവന്‍ പേര്‍ക്കും പച്ചക്കറി വിത്തുകളും ആശംസ കാര്‍ഡുകളും വിതരണം ചെയ്തത്.