പുതുനഗരം: മതസൗഹാര്‍ദം ഊട്ടിയുറപ്പിച്ചു പള്ളി കമ്മിറ്റിയുടെ ദാഹജല വിതരണം ശ്രദ്ധേയമായി.
ഊട്ടറ ജുമാമസ്ജിദ് കമ്മിറ്റിയുടെ നേതൃത്വത്തില്‍ ബസ് സ്റ്റോപ്പിനടുത്ത് ആരംഭിച്ച വഴിയാത്രക്കാര്‍ക്കായുള്ള കുടിവെള്ള വിതരണം ഊട്ടറ അയ്യപ്പന്‍ ക്ഷേത്രം പൂജാരി വാസു ഉദ്ഘാടനം ചെയ്തു.
ജുമാമസ്ജിദ് പ്രസിഡന്റ് ഹനീഫ അധ്യക്ഷനായി.
റെയില്‍, ബസ് പാസഞ്ചേഴ്‌സ് അസോസിയേഷന്‍ പ്രസിഡന്റ് ഏറാട്ടില്‍ മുരുകന്‍, അബ്ദുള്‍ സമദ്, തിരുനാവുക്കരശ്, ഷാജഹാന്‍, എ. സാദിഖ്, അക്ബര്‍ അലി, അമീര്‍ സംസാരിച്ചു.
തുടര്‍ന്ന് മധുര പലഹാര വിതരണവും നടത്തി.