മലപ്പുറം: മലപ്പുറം ഉപതെരഞ്ഞെടുപ്പില്‍ സി.പി.ഐയുടെ വോട്ട് യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ട് കിട്ടുമെന്ന് കോണ്‍ഗ്രസ് നേതാവ് ആര്യാടന്‍ മുഹമ്മദ്. പി.കെ കുഞ്ഞാലിക്കുട്ടി പത്രിക സമര്‍പ്പിക്കുന്നതിനു മുമ്പ് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

സി.പി.ഐക്കാരുടെ മുഴുവന്‍ വോട്ടും എല്‍.ഡി.എഫ് സ്ഥാനാര്‍ഥിക്ക് ലഭിക്കുമെന്ന് കരുതുന്നില്ല. റെക്കോര്‍ഡ് ഭൂരിപക്ഷത്തിന് കുഞ്ഞാലിക്കുട്ടി ജയിച്ചുകയറും. സി.പി.എമ്മിന്റെ വന്‍പാര്‍ട്ടി മേധാവിത്വത്തോടുള്ള എതിര്‍പ്പ് ഈ തെരഞ്ഞെടുപ്പിലൂടെ സി.പി.ഐ അറിയിക്കുമെന്നും ആര്യാടന്‍ പറഞ്ഞു.