കണ്ണൂര്‍: ജംഇയ്യത്തുല്‍ മുഅല്ലിമീന്‍ ജില്ലാകമ്മിറ്റി മദ്‌റസകള്‍ കേന്ദ്രീകരിച്ച് റമദാനില്‍ നടപ്പാക്കുന്ന ഖുര്‍ആന്‍ പാരായണ പരിശീലന ക്ലാസിന്റെ ജില്ലാതല ഉദ്ഘാടനം നാളെ രാവിലെ 10ന് നടുവില്‍ തഹ്‌സീനുല്‍ ഇസ്‌ലാം മദ്‌റസയില്‍ സമസ്ത വിദ്യാഭ്യാസ ബോര്‍ഡ് ഖാരിഹ് അബ്ദുല്‍ഖാദര്‍ മുസ്‌ലിയാര്‍ നിര്‍വഹിക്കും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാകും. സകരിയ ദാരിമി നടുവില്‍ മുഖ്യപ്രഭാഷണം നടത്തും. ജനറല്‍സെക്രട്ടറി അബ്ദുസമദ് മുട്ടം പദ്ധതി വിശദീകരിക്കും. അബ്ദുല്‍ഷുക്കൂര്‍ ഫൈസി പുഷ്പഗിരി, അബ്ദുസലാം ഇരിക്കൂര്‍, ലത്തീഫ് ഫൈസി പറമ്പായി, അബ്ദുറഹ്മാന്‍ മിസ്ബാഹി, അബ്ദുല്‍ലത്തീഫ് എടവച്ചാല്‍, മജീദ് ദാരിമി പെരിങ്ങത്തൂര്‍ പങ്കെടുക്കും. തുടര്‍ന്നുള്ള ജില്ലാ ജംഇയ്യത്തുല്‍ മുഅല്ലിമീന്‍ എക്‌സിക്യൂട്ടീവ് മീറ്റില്‍ എല്ലാ അംഗങ്ങളും എത്തണമെന്നു ജനറല്‍സെക്രട്ടറി അറിയിച്ചു.