ബംഗളൂരു: കര്‍ണാടക മുഖ്യമന്ത്രി സിദ്ധരാമയ്യക്ക് പൊതുവേദിയില്‍ പൊടുന്നനെ ചുംബനം. ചിക്മംഗളൂരു ജില്ലയിലെ വനിതാ പഞ്ചായത്തംഗമാണ് മുഖ്യമന്ത്രിയെ ചുംബിച്ചത്.
ബംഗളുരുവില്‍ നടന്ന യോഗത്തിനിടെയാണു താലൂക്ക് പഞ്ചായത്ത് അംഗമായ ഗിരിജ ശ്രീനിവാസ് മുഖ്യമന്ത്രിയുടെ കവിളില്‍ ചുംബിച്ചത്. താന്‍ അച്ഛനെപ്പോലെ കാണുന്ന വ്യക്തിയാണെന്നും മുഖ്യമന്ത്രിയെ ആദ്യമായി കണ്ടപ്പോള്‍ തനിക്ക് ആവേശം അടക്കാനായില്ലെന്നുമാണ് ഗിരിജ പിന്നീട് ഇക്കാര്യത്തോട് പ്രതികരിച്ചത്. മുഖ്യമന്ത്രിക്കു പ്രതികരിക്കാന്‍ സമയംകിട്ടുംമുമ്പ് ഗിരിജ വേദിയില്‍ നിന്ന് ഇറങ്ങി. എന്നാല്‍ അപ്പോഴെക്കും ക്യാമറക്കണ്ണുകള്‍ ചുംബനം ഒപ്പിയെടുത്തിരുന്നു.