ബംഗളൂരു: തങ്ങളുടെ എം.എല്‍.എമാരെ ബി.ജെ.പി ചാക്കിലാക്കിയെന്ന് ജെ.ഡി.എസ് നേതാവ് എച്ച്.ഡി കുമാരസ്വാമി. രണ്ട് ജെ.ഡി.എസ് എം.എല്‍.എമാരാണ് മറുകണ്ടം ചാടിയതെന്നാണ് സ്ഥിരീകരണം. ഇവര്‍ക്കൊപ്പം കോണ്‍ഗ്രസ്സിന്റെ ഒരു എം.എല്‍.എയും ബി.ജെ.പ്പിക്കൊപ്പമാണെന്നാണ് റിപ്പോര്‍ട്ടുകള്‍.

മറുകണ്ടം ചാടിയ ജെ.ഡി.എസ് എം.എല്‍.എമാര്‍ നാളെ നിയമസഭയില്‍ നാളത്തെ വിശ്വാസ വോട്ടെടുപ്പില്‍ തങ്ങള്‍ക്കൊപ്പം നില്‍ക്കുമെന്നാണ് പ്രതീക്ഷയെന്ന് കുമാരസ്വാമി വ്യക്തമാക്കി. അതേസമയം, സര്‍ക്കാരിന് ഭൂരിപക്ഷം തെളിയിക്കാന്‍ നാളെത്തന്നെ വോട്ടെടുപ്പ് നടത്തണമെന്ന് സുപ്രിം കോടതി നിര്‍ദേശിച്ചു. ഭൂരിപക്ഷം തെളിയിക്കാന്‍ സമയം നല്‍കണമെന്ന ബി.ജെ.പിയുടെ ആവശ്യം തള്ളിക്കൊണ്ടാണ് കോടതിയുടെ ഉത്തരവ്.