റിയാദ്: സഊദിയില്‍ അടുത്ത മാസം മുതല്‍ അനുവദിക്കുന്ന വനിതകളുടെ ഡ്രൈവിങ്ങിനോടനുബന്ധിച്ച് വിദേശ വനിതകള്‍ക്കും ഡ്രൈവിങ് ലൈസന്‍സുകള്‍ നല്‍കുമെന്ന് സഊദി ട്രാഫിക് വിഭാഗം അറിയിച്ചു. വിദേശ രാജ്യങ്ങളില്‍ നിന്ന് ഡ്രൈവിങ് ലൈസന്‍സ് നേടിയ വിദേശ വനിതകള്‍ക്ക് അവരുടെ ലൈസന്‍സ് സഊദി ലൈസന്‍സിലേക്ക് മാറ്റിയെടുക്കാനുള്ള സംവിധാനം നടപ്പിലാക്കിയിട്ടുണ്ട്. സഊദി വനിതകള്‍ക്കൊപ്പം വിദേശ വനിതകള്‍ക്കും ഇത്തരത്തില്‍ ലൈസന്‍സ് നേടുന്നതിനായുള്ള ഓണ്‍ലൈന്‍ രജിസ്‌ട്രേഷന്‍ തിങ്കളാഴ്ച്ച മുതല്‍ ആരംഭിക്കുമെന്ന് ട്രാഫിക് വിഭാഗം അറിയിച്ചു. ജൂണ്‍ 24 മുതലാണ് വനിതകള്‍ക്ക് സഊദി റോഡുകളില്‍ വാഹനം ഓടിക്കാനുള്ള ചരിത്ര ദിനം.