കയ്പമംഗലം: കേരളത്തിലെ എല്ലാ വിദ്യാലയങ്ങളിലും ഔഷധത്തോട്ടങ്ങള്‍ ഉണ്ടാകേണ്ടത് അനിവാര്യമാണെന്ന് ചാലക്കുടി ഡെപ്യൂട്ടി ഫോറസ്റ്റ് ഓഫിസര്‍ ആര്‍. കീര്‍ത്തി ഐ .എഫ്.എസ് അഭിപ്രായപ്പെട്ടു. പെരിഞ്ഞനം ഈസ്റ്റ് യു.പി.സ്‌കൂളില്‍ ഔഷധത്തോട്ടം നട്ടു വളര്‍ത്തുന്നതിന്റെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അവര്‍. ഔഷധത്തോട്ടം നിര്‍മിക്കാന്‍ മുന്നിട്ടിറങ്ങിയ പെരിഞ്ഞനം ഈസ്റ്റ് യു.പി.സ്‌കൂളിന്റെ പ്രവര്‍ത്തനം മറ്റു വിദ്യാലയങ്ങള്‍ക്ക് മാതൃകയാണെന്നും അവര്‍ അഭിപ്രായപ്പെട്ടു. ഗ്രാമപഞ്ചായത്ത് മെമ്പര്‍ ദിലീപ് കരുവത്തില്‍ അധ്യക്ഷനായി. ഹെഡ്മിസ്ട്രസ് പി.ആര്‍ വിജയലക്ഷ്മി, മാനേജര്‍ ഇ.ആര്‍ ഷാജി, റിജിന്‍ലാല്‍ മാസ്റ്റര്‍ സംസാരിച്ചു.