കൂറ്റനാട്: ചാലിശ്ശേരി എസ്.സി.യു.പി.സ്‌കൂളിന് എം.എല്‍.എയുടെ ആസ്തി വികസന ഫണ്ടില്‍നിന്ന് അനുവദിച്ച രാജീവ് ഗാന്ധി സ്മാര്‍ട്ട് ക്ലാസ് റൂം വി.ടി. ബല്‍റാം ഉദ്ഘാടനം ചെയ്തു. ചാലിശ്ശേരി പഞ്ചായത്ത് പ്രസിഡന്റ് ടി.കെ. സുനില്‍കുമാര്‍ അധ്യക്ഷനായി. എം.എല്‍.എയുടെ പ്രാദേശിക വികസന ഫണ്ടില്‍നിന്ന് അനുവദിച്ച ജവഹര്‍ലാല്‍ നഹ്‌റു ലൈബ്രറിയുടെ ഉദ്ഘാടനം സ്‌കൂള്‍ മാനേജര്‍ സി.ഐ. കൊച്ചു മാസ്റ്റര്‍ നിര്‍വ്വഹിച്ചു. പ്രധാന അധ്യാപിക നാന്‍സി സൈമണ്‍ റിപ്പോര്‍ട്ട് അവതരിപ്പിച്ചു. ആനി വിനു, സി.കെ. ഉണ്ണികൃഷ്ണന്‍, സജിത സുനില്‍, സ്‌മൈല്‍ കോഡിനേറ്റര്‍ ദാസ് പടിക്കല്‍, ജോണ്‍സണ്‍ സൈമണ്‍, പി.സി വില്‍സണ്‍, താര ശിവദാസന്‍, എ.എ. സിദ്ധീഖ്, മീന വര്‍ഗീസ്, വി.എസ്. മാളവിക സംസാരിച്ചു. കെ. മുഹമ്മദ് സല്‍മാന്‍ സ്വാഗതവും കെ.കെ സോഫി നന്ദിയും പറഞ്ഞു.