പേരാമ്പ്ര: ബൈപ്പാസ് നിര്‍മാണത്തിനാവശ്യമായ ഭൂമി ഏറ്റെടുക്കല്‍ പ്രവൃത്തികള്‍ ത്വരിതപ്പെടുത്തും. ഭൂമി ഏറ്റെടുക്കല്‍ പൂര്‍ത്തീകരിച്ച് ഉടന്‍ നിര്‍മാണ പ്രവൃത്തികള്‍ ആരംഭിക്കുന്നതുള്‍പ്പെടെയുള്ള നടപടിക്രമത്തിലേക്ക് നീങ്ങണമെന്ന് ബൈപ്പാസ് അവലോകന യോഗത്തില്‍ ജില്ലാ കലക്ടര്‍ യു.വി ജോസ് പറഞ്ഞു. 2.7 കിലോമീറ്റര്‍ നീളത്തിലാണ് ബൈപ്പാസ് നിര്‍മിക്കുന്നത്. കലക്ടറുടെ ചേംബറില്‍ ചേര്‍ന്ന യോഗത്തില്‍ ഡെപ്യൂട്ടി കലക്ടര്‍ എന്‍.വി രഘുരാജ്, തഹസില്‍ദാര്‍ പി. സുരേഷ്‌കുമാര്‍, പി.ഡബ്ല്യു.ഡി എക്‌സിക്യൂട്ടീവ് എന്‍ജിനീയര്‍ ആര്‍. സിന്ധു, മന്ത്രി ടി.പി രാമകൃഷ്ണന്റെ അഡീഷണല്‍ പി.എസ് എം. സലീം സംബന്ധിച്ചു.