കൊയിലാണ്ടി: വിദ്യാലയങ്ങളിലെ അക്കാദമിക നേട്ടങ്ങള്‍ സാമൂഹിക പങ്കാളിത്തത്തോടെ വിലയിരുത്തുന്നതിനായി ആരംഭിച്ച സര്‍വശിക്ഷാ അഭിയാന്‍ ജില്ലാ മികവുത്സവം കൊയിലാണ്ടിയില്‍ സാഹിത്യകാരന്‍ കെ.പി രാമനുണ്ണി ഉദ്ഘാടനം ചെയ്തു. സംഘാടക സമിതി ചെയര്‍മാനും നഗരസഭാധ്യക്ഷനായ അഡ്വ.കെ. സത്യന്‍ അധ്യക്ഷനായി. ജില്ലയിലെ ബി.ആര്‍.സികള്‍ക്കുള്ള ഉപഹാര സമര്‍പ്പണം കെ.ദാസന്‍ എം.എല്‍.എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി മുഖ്യാതിഥിയായി. എ.കെ അബ്ദുല്‍ ഹക്കീം പ്രഭാഷണം നടത്തി. മുക്കം മുഹമ്മദ്, ഡി.പി.ഒ എം. ജയകൃഷ്ണന്‍, കെ.പ്രഭാകരന്‍, ഡി.ഇ.ഒ സി.ഐ വത്സല, മേലൂര്‍ വാസുദേവന്‍, ബി.പി.ഒ എം.ജി ബല്‍രാജ് സംസാരിച്ചു. ജില്ലാ സെമിനാര്‍ എം.എല്‍.എ ഉദ്ഘാടനം ചെയ്തു. കെ. സത്യന്‍ അധ്യക്ഷനായി. എം. ജയകൃഷ്ണന്‍, അശോകന്‍ കോട്ട്, ചിറ്റൂര്‍ രവീന്ദ്രന്‍, സി.രാധ, ഷീജ പട്ടേരി, കെ.ഷൈജു, കെ.ഗീതാനന്ദന്‍, ഷീബാ സതീശന്‍, ജവഹര്‍ മനോഹര്‍, എം.ജി ബല്‍രാജ് സംസാരിച്ചു.