അമ്പലപ്പുഴ: ശക്തമായ മഴയിലും കാറ്റിലും മരം വീണ് വീടു തകര്‍ന്നു.പുന്നപ്ര തെക്ക് പഞ്ചായത്ത് 4-ാ വാര്‍ഡില്‍ നടുവിലെപ്പറമ്പില്‍ (കളത്തില്‍പ്പറമ്പില്‍) എന്‍ വി ജാദുവിന്റെ വീടാണ് തകര്‍ന്നത്.വ്യാഴാഴ്ച രാത്രി എട്ടോടെ വീശിയടിച്ച ശക്തമായ കാറ്റിലും മഴയിലും വീടിനു സമീപത്തു നിന്ന കൂറ്റന്‍ മരമാണ് കടപുഴകിയത്.ഈ സമയം ജാദുവും ഭാര്യ വിശ്വേശ്വരിയും ബാലസംഘം പുന്നപ്ര കിഴക്ക് മേഖല സെക്രട്ടറിയുമായ മകള്‍ ഭാഗ്യലക്ഷമിയുമാണ് വീട്ടിലുണ്ടായിരുന്നത്.മേല്‍ക്കൂരയിലെ ഓടും ഷീറ്റും തകരുന്ന ശബ്ദം കേട്ട് ഇവര്‍ പുറത്തിറങ്ങിയതിനാല്‍ അപകടം കൂടാതെ രക്ഷപ്പെട്ടു. പുതുതായി നിര്‍മ്മിച്ച ശുചി മുറിയും വീടിന്റെ മേല്‍ക്കൂരയിലെ തടി ഉരുപ്പടികളും അടുക്കളയുടെ ഭിത്തിയും തകര്‍ന്നു.