ആലുവ: കൊച്ചിയില്‍ നടിയെ ആക്രമിച്ച സംഭവത്തില്‍ പ്രതിയായ പള്‍സര്‍ സുനിയുടെ അഭിഭാഷകന്റെ വീട്ടിലും ഓഫിസിലും പൊലിസ് റെയ്ഡ്. അഡ്വ.പ്രതീഷ് ചാക്കോയുടെ ആലുവയിലെ വീട്ടിലും ഓഫിസിലുമാണ് റെയ്ഡ് നടക്കുന്നത്. സുനിയുടെ മെമ്മറി കാര്‍ഡും ഫോണും കണ്ടെത്തുന്നതിന് വേണ്ടിയാണ് റെയ്ഡ്.

നടിയുടെ ദൃശ്യങ്ങള്‍ പകർത്തിയ  ഫോണും മെമ്മറി കാര്‍ഡ‍ും കണ്ടെത്തുന്നതിന് വേണ്ടിയാണ് റെയ്ഡ്. അഭിഭാഷകനെ ചോദ്യം ചെയ്തിരുന്നെങ്കിലും ഫോണിനെകുറിച്ചോ മെമ്മറികാര്‍ഡിനെ കുറിച്ചോ വ്യക്തമായ മറുപടി നല്‍കാന്‍ അദ്ദേഹം തയ്യാറായിരുന്നില്ല.