ചങ്ങരംകുളം: ചങ്ങരംകുളം ചേലക്കടവ് പാടത്ത് സൂക്ഷിച്ചിരുന്ന എഴുപത് ലിറ്റര്‍ വാഷ് പിടികൂടി. ചേലക്കടവ് മൂച്ചിക്കടവ് പാടത്ത് രണ്ട് വലിയ കന്നാസുകളിലായി സൂക്ഷിച്ച എഴുപത് ലിറ്റര്‍ വാഷാണ് ചങ്ങരംകുളം എക്‌സൈസ് പിടി കൂടിയത്. എക്‌സൈസ് എത്തിയ വിവരം അറിഞ്ഞ് പ്രതികള്‍ ഓടി രക്ഷപ്പെട്ടു. കഴിഞ്ഞ ദിവസം വൈകിയിട്ട് നാല് മണിയോടെ നാട്ടുകാരാണ് വാഷ് കണ്ടെത്തിയ വിവരം എക്‌സൈസിനെ അറിയിച്ചത്. ചങ്ങരംകുളം എക്‌സൈസ് ഓഫീസര്‍ ശ്രീജേഷിന്റെ നേതൃത്വത്തിലുളള എക്‌സൈസ് സംഘം വൈകിയിട്ട് ഏഴ് മണിയോടെ സ്ഥലത്തെത്തി വാഷ് പിടിച്ചെടുക്കുകയായിരുന്നു. സംഭവത്തില്‍ കേസെടുത്തു. പ്രതികള്‍ക്കായി അന്വേഷണം ആരംഭിച്ചതായി എക്‌സൈസ് ഓഫീസര്‍ പറഞ്ഞു.