പെരിന്തല്‍മണ്ണ: എല്‍.ഡി.എഫ് സ്ഥാനാര്‍ഥി എം.ബി ഫൈസല്‍ പെരിന്തല്‍മണ്ണ മണ്ഡലത്തിലെ വിവിധ ഭാഗങ്ങളില്‍ പ്രചരണം നടത്തി. രാവിലെ ഏലംകുപളം മനയിലെത്തിയപ്പോള്‍ ഇ.എം.എസിന്റെ സഹോദരപുത്രിനായ ഇ.എം ബ്രഹ്മദത്തന്‍ നമ്പൂതിരിപ്പാട്, ഇ.എം നാരായണന്‍ നമ്പൂതരിപ്പാട്, മക്കളായ ഇ.എം മിഥുന്‍, ഇ.എം യദു, എന്നിവര്‍ പൂച്ചെണ്ട് നല്‍കി സ്വീകരിച്ചു.
സി.പി.എം ഏരിയാ സെക്രട്ടറി വി രമേശന്‍, ഏലംകുളം പഞ്ചായത്ത് പ്രസിഡന്റ് കെ ആയിശ, എന്‍ വാസുദേവന്‍, എ.എം എന്‍ ഭട്ടതിരിപ്പാട് തുടങ്ങിയ നൂറോളം പേര്‍ പങ്കെടുത്തു. തുടര്‍ന്ന് മലബാര്‍ പന്തലിലെ പഴയകാല നേതാക്കളെ കണ്ട് വോട്ടഭ്യാര്‍ഥിച്ചു. തുടര്‍ന്ന് പഴയകാല നേതാവായ അഷ്ടമൂര്‍ത്തിയെ സന്ദര്‍ശിച്ചു. ആനമങ്ങാട് തോപ്പില്‍ പടി, രാവണൂര്‍ മന, പാറല്‍, തൂത, പുന്നക്കുന്ന്, കരിങ്കല്ലത്താണി, വെട്ടത്തൂര്‍, ചുങ്കം , എന്നിവിടങ്ങളില്‍ ഉച്ചവരെ പ്രചരണണം നടത്തിയ ശേഷം ഉച്ചക്ക് ശേഷം മങ്കടമണ്ഡലത്തിലെ വെങ്ങാട്, മൂര്‍ക്കനാട് ഭാഗങ്ങളില്‍ പ്രചരണം നടത്തി.