തിരൂര്‍: യൂത്ത്‌ലീഗ് സംസ്ഥാന കമ്മിറ്റി ല കോന്‍വിവെന്‍സിയ എന്ന പേരില്‍ സംഘടിപ്പിക്കുന്ന കാംപയിന്‍ പ്രഖ്യാപനവും യൂത്ത് ഫോര്‍ എര്‍ത്ത് ജലസമ്മേളനത്തിന്റെ ഉദ്ഘാടനവും നാളെ തിരുന്നാവായയില്‍ നടക്കും. ഭാരതപ്പുഴയുടെ തീരത്ത് വൈകിട്ട് 4.30ന് പി.കെ കുഞ്ഞാലിക്കുട്ടി കാംപയിന്‍ പ്രഖ്യാപനവും ജലസമ്മേളന ഉദ്ഘാടനവും നിര്‍വഹിക്കും.
പി.എസ്.സി മുന്‍ ചെയര്‍മാന്‍ കെ.എസ് രാധാകൃഷ്ണന്‍ മുഖ്യാഥിതിയാകും. അഡ്വ. ബാബു മോഹനക്കുറുപ്പ് വിഷയാവതരണം നടത്തും. അഡ്വ. ഹരീഷ് വാസുദേവ് പ്രഭാഷണം നടത്തും. സയ്യിദ് സ്വാദിഖലി ശിഹാബ് തങ്ങള്‍, കെ.പി.എ മജീദ്, അഡ്വ. കെ.എന്‍.എ ഖാദര്‍, അഡ്വ. എന്‍. ശംസുദ്ദീന്‍ എം.എല്‍.എ പങ്കെടുക്കും. വാര്‍ത്താസമ്മേളനത്തില്‍ എം.എ സമദ്, ഫൈസല്‍ ബാഫഖി തങ്ങള്‍, വി.കെ.എം ഷാഫി, എം.പി മജീദ് പങ്കെടുത്തു.