ശാസ്താംകോട്ട: കമ്പലടി ലുലു പെട്രോള്‍ പമ്പിനുള്ളില്‍ പ്രവര്‍ത്തിക്കുന്ന എസ്.ബി.ഐയുടെ എ.ടി.എമ്മിന് ഇന്നലെ വൈകിട്ട് തീപിടിച്ചു. പെട്രോള്‍ പമ്പിനോട് ചേര്‍ന്നുണ്ടായ തീപിടുത്തം ആശങ്കപ്പെടുത്തി.
എ.ടി.എമ്മില്‍ നിന്നും ശക്തിയായ തീയും പുകയും ഉയരുന്നതു കണ്ട പെട്രോള്‍ പമ്പ് ജീവനക്കാര്‍ ഫയര്‍ഫോഴ്‌സിനെ വിവരം അറിയിച്ചു. തുടര്‍ന്ന് ശാസ്താംകോട്ട ഫയര്‍ഫോഴ്‌സ് സന്ദര്‍ഭോചിതമായി പ്രവര്‍ത്തിച്ചതിനാല്‍ വന്‍ ദുരന്തം ഒഴിവായി.
സ്റ്റേഷന്‍ ഓഫീസര്‍ പ്രതാപചന്ദ്രന്‍, അസി. സ്റ്റേഷന്‍ ഓഫിസര്‍ കെ.വി ജോയി, ലീഡിങ് ഫയര്‍മാന്‍ ശ്രീകുമാര്‍, ഫയര്‍മാന്‍മാരായ രാമചന്ദ്രന്‍, പ്രേമന്‍, മനോജ്, സുരേഷ്‌കുമാര്‍, രാജീവന്‍, വാമദേവന്‍ പിള്ള ഫയര്‍ഫോഴ്‌സ് സംഘത്തിലുണ്ടായിരുന്നു.
എ.ടി.എമ്മിലെ എ.സിക്ക് തീ പിടിച്ചതായാണെന്നാണ് പ്രാഥമിക നിഗമനം