കാട്ടാക്കട: ചെന്നായ്ക്കളുടെ അക്രമത്തില്‍ പരുക്കേറ്റ കലമാനിനെ കൊന്ന് ഇറച്ചിയാക്കിയ സംഘത്തിലെ ഒരാളെ വനപാലകര്‍ അറസ്റ്റ് ചെയ്തു.വിതുര പട്ടന്‍കുളിച്ചപാറ വയലില്‍ പുല്ല് മണ്‍പുറത്ത് വീട്ടില്‍ ഷിബു(രാജീവ്- 36) വിനെയാണ് പരുത്തിപള്ളി റെയിഞ്ച് ഓഫിസര്‍ ദിവ്യ എസ് റോസും സംഘവും അറസ്റ്റ് ചെയ്തത്. ഞായറാഴ്ച ഉച്ചയോടെ ആണ് കലമാനിനെ ചെന്നായ് കൂട്ടം ആക്രമിച്ചത്. പരുക്കേറ്റ കലമാനിനെ ഷിബുവും സംഘവും ചേര്‍ന്ന് കൊന്ന് ഇറച്ചിയാക്കുകയായിരുന്നു. സംഭവത്തില്‍ ഉള്‍പ്പെട്ട മറ്റുള്ളവര്‍ ഒളിവിലാണ്.