അഹമ്മദാബാദ്: ഗുജറാത്ത് ഭാവ്‌നഗര്‍-അഹമ്മദാബാദ് ഹൈവേയില്‍ സിമെന്റ് കയറ്റിയ ട്രക്ക് കീഴ്‌മേല്‍ മറിഞ്ഞ് 19 പേര്‍ മരിച്ചു. ആറു പേര്‍ക്ക് പരുക്കേറ്റിട്ടുണ്ട്.മരിച്ചവരില്‍ മൂന്നു കുട്ടികളും ഉള്‍പെടും. ശനിയാഴ്ച പുലര്‍ച്ചെയാണ് അപകടമുണ്ടായത്.നിയന്ത്രണം നഷ്ടപ്പെട്ട ട്രക്ക് കുഴിയിലേക്ക് മറിയുകയായിരുന്നു. സിമെന്റ് കയറ്റിയ ട്രക്കില്‍ യാത്രചെയ്തവരാണ് അപകടത്തില്‍പെട്ടത്. ട്രക്ക് അതിവേഗതയില്‍ വളവ് തിരിഞ്ഞതാണ് അപകടത്തിന് കാരണമായത്. 25ഓളം തൊഴിലാളികളാണ് ട്രക്കിലുണ്ടായിരുന്നത്. മരിച്ചവരില്‍ 12 പേര്‍ സ്ത്രീകളാണ്.പരുക്കേറ്റവരെ ബാവയാലി വില്ലേജിലുള്ള സര്‍ക്കാര്‍ ആശുപത്രിയില്‍ പ്രവേശിപ്പിച്ചിട്ടുണ്ട്. മൃതദേഹങ്ങള്‍ പോസ്റ്റ്‌മോര്‍ട്ടത്തിന് അയച്ചു. അപകടം നടന്ന ഉടന്‍ തന്നെ ഡ്രൈവര്‍ ഓടിരക്ഷപ്പെട്ടു.