പട്ടാമ്പി: പട്ടാമ്പി പരിസരഭാഗങ്ങളില്‍ ഭൂമികുലുക്കം. പട്ടാമ്പി, ഓങ്ങല്ലൂര്‍, കിഴായൂര്‍ കൂറ്റനാട്, മേഴത്തൂര്‍, മുടവന്നൂര്‍, തൃത്താല,ഭാഗങ്ങളിലുള്ളവരും കുലുക്കം അനുഭവപ്പെട്ടതായി പരിസരവാസികള്‍ പറഞ്ഞു. രാവിലെ 11.45 നാണ് കുലുക്കം അനുഭവപ്പെട്ടത്. ശബ്ദം കേട്ട് ചിലയിടങ്ങളില്‍ വീടുകളില്‍ നിന്ന് ആളുകള്‍ പുറത്തേക്കോടി. കൂടുതല്‍ വിവരങ്ങള്‍ വ്യക്തമായിട്ടില്ല. രണ്ട് മാസം മുമ്പ് സമാനരീതിയില്‍ പ്രദേശത്ത് ഭൂമികുലുങ്ങിയിരുന്നു. രാവിലെ മുതല്‍ അന്തരീക്ഷം മൂടികെട്ടിയ നിലയിലായിരുന്നു. മുഴക്കത്തിന് ശേഷം അന്തരീക്ഷത്തിന് നേരിയ മാറ്റം വന്നതായി പാടശേഖരങ്ങളില്‍ പണിയെടുക്കുന്നവര്‍ സാക്ഷ്യപ്പെടുത്തുന്നു.