കമ്പളക്കാട്: സമസ്ത പൊതു പരീക്ഷയില്‍ അഞ്ച്, ഏഴ്, പത്ത് ക്ലാസുകളില്‍ കമ്പളക്കാട് അന്‍സാരിയക്ക് വിജയത്തിളക്കം. പരീക്ഷ എഴുതിയ 163 വിദ്യാര്‍ഥികളില്‍ 161 വിദ്യാര്‍ഥികളും ഉന്നത മാര്‍ക്കോടെ വിജയിച്ചു. അഞ്ചാം ക്ലാസില്‍ 72 കുട്ടികളില്‍ നിന്നും നാല് ഡിസ്റ്റിങ്ഷനും 16 ഫസ്റ്റ് ക്ലാസും നേടി.
ടി.എ ഫിദ ഫാത്തിമ, കെ നിസ്‌വാന, ഫിദ ഷെറിന്‍ എന്നിവര്‍ റെയ്ഞ്ചില്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി. ഏഴാം ക്ലാസില്‍ 61 വിദ്യാര്‍ഥികള്‍ വിജയിച്ചു. എട്ട് ഡിസ്റ്റിങ്ഷനും 10 ഫസ്റ്റ് ക്ലാസും മദ്‌റസക്ക് ലഭിച്ചു. ഫാത്വിമ റിനു റെയ്ഞ്ചില്‍ ഒന്നാം സ്ഥാനം നേടി.
പത്താം ക്ലാസില്‍ 30 വിദ്യാര്‍ഥികളില്‍ മൂന്ന് ഫസ്റ്റും 14 സെക്കന്റ് ക്ലാസും നേടി. വിജയിച്ച വിദ്യാര്‍ഥികളെയും അധ്യാപകരെയും മാനേജ്‌മെന്റ് ഭാരവാഹികളായ പി.സി ഇബ്‌റഹീം ഹാജി, കെ.കെ അബ്ദുല്‍ അസീസ് ഹാജി, എം.എ ഇസ്മായില്‍ ദാരിമി അനുമോദിച്ചു.