ഗൂഡല്ലൂര്‍: പന്തല്ലൂര്‍ താലൂക്കിലെ ചേരമ്പാടി വനമേഖലയില്‍ കാട്ടാനകളെ വനത്തിലേക്ക് തുരത്തിയോടിക്കാനായി എത്തിച്ച താപ്പാനക്ക് മദമിളകി.
മുതുമല വന്യജീവി സങ്കേതത്തിലെ തൊപ്പക്കാട് ആന വളര്‍ത്തു കേന്ദ്രത്തില്‍ നിന്ന് എത്തിച്ച ജംബോ എന്ന താപ്പാനക്കാണ് മദമിളകിയത്. ഇതോടെ ആനയെ വനം വകുപ്പിന്റെ നേതൃത്വത്തില്‍ തളച്ചിരിക്കുകയാണ്.
ചേരമ്പാടി മേഖലയില്‍ നാശം വരുത്തിയിരുന്ന കാട്ടാനകളെ വനത്തിലേക്ക് തുരത്തിയോടിക്കാന്‍ മുതുമലയില്‍ നിന്ന് നാല് താപ്പാനകളെയാണ് പന്തല്ലൂരിലെത്തിയിച്ചിരുന്നത്. ഇതില്‍ ബൊമ്മന്‍, ഉദയന്‍, സുജയ് എന്നി താപ്പാനകളെ പിന്നീട് കോയമ്പത്തൂരിലേക്ക് കൊണ്ടുപോയിരുന്നു.