റോം: ലോക രണ്ടാം നമ്പര്‍ താരം സ്‌പെയിനിന്റെ റാഫേല്‍ നദാല്‍ ഇറ്റാലിയന്‍ ഓപണ്‍ ടെന്നീസ് പോരാട്ടത്തിന്റെ ഫൈനലിലേക്ക് കടന്നു.നഷ്ടപ്പെട്ട മികവ് തിരിച്ചുപിടിക്കാന്‍ പൊരുതുന്ന സെര്‍ബിയന്‍ താരം നൊവാക് ദ്യോക്കോവിചിനെ സെമിയില്‍ വീഴ്ത്തിയാണ് നദാലിന്റെ മുന്നേറ്റം. ആദ്യ സെറ്റില്‍ പൊരുതിയ ദ്യോക്കോ മത്സരം ടൈ ബ്രേക്കര്‍ വരെ നീട്ടി. എന്നാല്‍ രണ്ടാം സെറ്റില്‍ നദാല്‍ അനായാസം മത്സരം സ്വന്തമാക്കി. സ്‌കോര്‍: 7-6 (7-4), 6-3.