വടകര: കേരള എന്‍ട്രന്‍സ് പരീക്ഷയില്‍ എന്‍ജിനീയറിങ് വിഭാഗത്തില്‍ ഉയര്‍ന്ന റാങ്ക് നേടിയ പ്രതിഭകളെ കോളജ് ഓഫ് എന്‍ജിനീയറിങ് വടകരയുടെ നേതൃത്വത്തില്‍ അനുമോദിക്കുമെന്ന് കോളജധികൃതര്‍ വാര്‍ത്താ സമ്മേളനത്തില്‍ അറിയിച്ചു. ജില്ലയിലും താലൂക്കിലും മണിയൂര്‍ പഞ്ചായത്തിലുമുള്ള വിദ്യാര്‍ഥികളെയാണ് കാഷ് അവാര്‍ഡും മൊമെന്റോയും നല്‍കി അനുമോദിക്കുന്നത്. അടുത്ത മാസം ഒന്‍പതിന് വടകരയില്‍ നടക്കുന്ന പരിപാടിയില്‍ ജനപ്രതിനിധികള്‍ പങ്കെടുക്കും.
കോളജിലെ എം.സി.എ, ബി.ടെക് (ആറ് ശാഖകള്‍) ബാച്ചുകളിലെ എന്‍.ആര്‍.ഐ, ലാറ്ററല്‍ എന്‍ട്രി വിഭാഗങ്ങളിലേക്കുള്ള അഡ്മിഷന്‍ പ്രക്രിയകള്‍ നടന്നുവരികയാണെന്നും വാര്‍ത്താ സമ്മേളനത്തില്‍ ഭാരവാഹികള്‍ പറഞ്ഞു. പ്രിന്‍സിപ്പല്‍ ഡോ. ഒ.എ ജോസഫ്, ഡോ. ബി.വി മാത്യു, ഡോ. സി. ശ്രീകാന്ത്, ആര്‍. വിജയന്‍ വാര്‍ത്താ സമ്മേളനത്തില്‍ പങ്കെടുത്തു.