ചെങ്ങന്നൂര്‍ : മുളക്കുഴയില്‍ കോക്കുന്ന് കോളനിയില്‍ കെ പി സി സി ഗാന്ധി ഹരിത സമൃദ്ധിയുടെ നേതൃത്വത്തില്‍ അഡ്വ.ഡി.വിജയകുമാറിന്റെ തെരഞെടുപ്പ് പ്രചരണാര്‍ത്ഥം സംഘടിപ്പിച്ച ഹരിത സ്‌ക്വാഡന്റെ ഉദ്ഘാടനം വി എം സുധീരന്‍ നിര്‍വ്വഹിച്ചു.
പരിസ്തിഥിയെ തകര്‍ത്തുകൊണ്ട് മുന്നോട്ട് പോകുന്ന മാഫിയകള്‍ക്ക് ഒത്താശചെയ്യുന്നവരേ ചെങ്ങന്നൂര്‍ തെരഞെടുപ്പില്‍ തിരിച്ചറിയണമെന്നും അത്തരക്കാരെ തെരഞെടുപ്പില്‍ പരാജയപ്പെടുത്തി പരിസ്ഥിതിയെയും നാടിനെയും മനുഷൃനെയും സനേഹിക്കന്ന യു ഡി എഫ് സ്ഥാനാര്‍ത്ഥിയെ വിജയിപ്പിക്ണമെന്നും അദ്ദേഹം ആവശൃപ്പെട്ടു. പ്രദേശവാസികള്‍ മണ്ണ് മാഫിയകളെക്കുറിച്ച് സുധീരനോട് പരാതി പറഞ്ഞു.
കോളനികളിലെ വീടുകളില്‍ ഹരിത സ്‌ക്വാഡിന്റെ പ്രവര്‍ത്തകരോടൊപ്പം സന്ദര്‍ശനം നടത്തിയാണ് അദ്ദേഹം മടങ്ങിയത്.ഗ്രാമപഞ്ചായത്തംഗം ബിന്ദു അദ്ധൃക്ഷതവഹിച്ചു.
അഡ്വ .ജോണ്‍സണ്‍എബ്രഹാം, കെ.കെ.ഷാജു, ജനറല്‍ സെക്രട്ടറി സുരേഷ്ബാബു, മഠത്തില്‍ ഷുക്കൂര്‍, സനല്‍ കുളത്തിങ്കല്‍, പത്മഗിരീഷന്‍,മുരളീധരന്‍, ടി എന്‍ ശാമുവല്‍,രഘുനാഥന്‍ കുളനട,മോഹന്‍ മുളക്കുള,സന്തോഷ്‌കാരക്കാട്, പി സി തങ്കപ്പന്‍ തുടങ്ങിയവര്‍ സംസാരിച്ചു . കോളനിയിലെ പഞ്ചവടി ഭവനത്തിന്റെ മുറ്റത്ത് വൃക്ഷത്തൈനട്ട്‌കൊണ്ടാണ് ഹരിത സ്‌ക്വാഡ് സുധീരന്‍ ഉദ്ഘാടനം ചെയ്തത്.