ആലപ്പുഴ: വടക്കേ മഹല്‍ യുവജനവേദിയുടെ ആഭിമുഖ്യത്തില്‍ നാല്‍പ്പതോളം വിധവകള്‍ക്ക് പെന്‍ഷന്‍, ചികിത്സാ സഹായം, എസ്.എസ്.എല്‍.സി, പ്ലസ്ടു, സമസ്ത കേരള ഇസ്്‌ലാംമത വിദ്യാഭ്യാസ ബോര്‍ഡ് പൊതുപരീക്ഷയില്‍ വടക്കേമഹല്ല് ദാറുസലാം മദ്രസയില്‍നിന്ന് ഉന്നത വിജയം നേടിയ വിദ്യാര്‍ഥികള്‍ക്കും മെരിറ്റ് അവാര്‍ഡ് നല്‍കി. വൈദ്യുതാഘാതത്തില്‍നിന്നും അമ്മയുടെ ജീവന്‍ രക്ഷിച്ച മാസ്റ്റര്‍ മുഹമ്മദ് യാസിഫിനെ അനുമോദിച്ചു. മുനിസിപ്പല്‍ ചെയര്‍മാന്‍ തോമസ് ജോസഫ് ഉദ്ഘാടനം ചെയ്തു. പ്രസിഡന്റ് റഹീം വടക്കേവീട് അധ്യക്ഷതവഹിച്ചു. വടക്കേ മഹല്ല് ഇമാം സയ്യിദ് ആറ്റക്കോയ തങ്ങള്‍ ആമുഖപ്രഭാഷണം നടത്തി. സയ്യിദ് നാസര്‍ തങ്ങള്‍ അവാര്‍ഡ് വിതരണം ചെയ്തു. അഡ്വ. മനോജ്കുമാര്‍, എ.എം നൗഫല്‍, എം.ആര്‍ പ്രേം ചികിത്സാ സഹായവും അവാര്‍ഡും നല്‍കി. ധീരതയ്ക്കുള്ള അവാര്‍ഡ് ഇസ്ഹാഖ് ഹുദവി വിതരണം ചെയ്തു, ആര്‍. ഹിയാസ്, അബ്ദുല്‍ഖാദര്‍ മാക്കിയില്‍, എം നാസര്‍, അനീഷ് മുസ്തഫ തുടങ്ങിയവര്‍ സംബന്ധിച്ചു.