കോവളം: ഇ.എം.എസ്, ഏ.കെ.ജി ദിനാചരണത്തോടനുബന്ധിച്ച് സി.പി.ഐ.എം കോവളം ഏരിയാ കമ്മിറ്റി തിരുവല്ലത്ത് വര്‍ഗീയ വിരുദ്ധ റാലിയും റെഡ് വോളന്റിയര്‍ മാര്‍ച്ചും സംഘടിപ്പിച്ചു. പാര്‍ട്ടി കേന്ദ്ര കമ്മിറ്റി അംഗം എളമളം കരീം റെഡ് വൊളന്റിയര്‍ മാര്‍ച്ചില്‍ സല്യൂട്ട് സ്വീകരിച്ചു. തുടര്‍ന്ന് നടന്ന പൊതുസമ്മേളനം അദ്ദേഹം ഉദ്ഘാടനം ചെയ്തു. സി.പി.ഐ.എം കോവളം ഏരിയാ സെക്രട്ടറി പി.എസ് ഹരികുമാര്‍ അദ്ധ്യക്ഷനായി. കണ്ണൂരിലെ ആര്‍.എസ്.എസ് ഭീകരതയെ വീശദീകരിച്ചു സുധീഷ് മിന്നി മുഖ്യ പ്രഭാഷണം നടത്തി.
പാര്‍ട്ടി സംസ്ഥാന കമ്മിറ്റി അംഗങ്ങളായ പിരപ്പന്‍കോട് മുരളി, വി.ശിവന്‍കുട്ടി ,ജില്ലാ കമ്മിറ്റി അംഗങ്ങളായ പി.രാജേന്ദ്രകമാര്‍, പുല്ലുവിള സ്റ്റാന്‍ലി, ഏരിയാ നേതാക്കളായ വണ്ടിത്തടം മധു, ഏ.ജെ. സുക്കാര്‍ണോ, അഡ്വ. പയറുമൂട് തങ്കപ്പന്‍, കെ.കെ.വിജയന്‍, പി.സുരേഷ് കുമാര്‍, എം.എം.ഇബ്രാഹിം, കരിങ്കട രാജന്‍, അഡ്വ. ഉച്ചക്കട ചന്ദ്രന്‍ എന്നിവര്‍ സംസാരിച്ചു. കെ.ജി.സനല്‍കുമാര്‍ സ്വാഗതവും കെ.എസ്.നടേശന്‍ നന്ദിയും പറഞ്ഞു.