മലപ്പുറം: മങ്കട കൂട്ടില്‍ യുവാവിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. കൂട്ടില്‍ കുന്നശ്ശേരി നസീറിനെ(45)യാണ് ഇന്ന് പുലര്‍ച്ചയോടെ മരിച്ച നിലയില്‍ കണ്ടെത്തിയത്. ഇന്നലെ രാത്രി സമീപത്തെ വീട്ടില്‍ അസ്വാഭാവികമായി കാണപ്പെട്ട നസീറിനെ ചിലയാളുകള്‍ മര്‍ദിച്ചതായി പറയപ്പെടുന്നു. പെരിന്തല്‍മണ്ണ ഇ.എം.എസ്. ഹോസ്പിറ്റലില്‍ സൂക്ഷിച്ചിരിക്കുന്ന മൃതദേഹം പോസ്റ്റുമോര്‍ട്ടത്തിനു ശേഷം ബന്ധുക്കള്‍ക്ക് വിട്ടുനല്‍കും. സംഭവത്തില്‍ പെരിന്തല്‍മണ്ണ പൊലീസ് അന്വേഷണം തുടങ്ങി.