ചെറുപുഴ: അരവഞ്ചാലില്‍ വീട് കുത്തിതുറന്ന് മോഷണം. അലമാരയില്‍ സൂക്ഷിച്ചിരുന്ന 23,000 രൂപ കവര്‍ന്നു. അരവഞ്ചാല്‍ ഗവ. യു.പി സ്‌കൂളിന് സമീപത്തെ മന്ദമ്പേത്ത് ഉല്ലാസിന്റെ വീടിന്റെ മുന്‍വാതില്‍ തകര്‍ത്താണ് മോഷണം നടത്തിയത്.
വീട്ടുടമയും കുടുംബവും വയനാട്ടില്‍ ബന്ധുവിന്റെ വിവാഹത്തിന് പോയിരിക്കുകയായിരുന്നു. കഴിഞ്ഞദിവസം തിരിച്ചെത്തിയപ്പോഴാണ് മോഷണം നടന്നതറിഞ്ഞത്. പെരിങ്ങോം എസ്.ഐ മഹേഷ് കെ. നായരുടെ നേതൃത്വത്തില്‍ അന്വേഷണം ആരംഭിച്ചു.
കണ്ണൂരില്‍നിന്ന് വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി. വീടും പരിസരവും വ്യക്തമായി അറിയുന്നവരാകാം മോഷണത്തിന് പിന്നിലെന്ന് പൊലിസ് സംശയിക്കുന്നു.