കണ്ണൂര്‍: എസ്.കെ.എസ്.എസ്.എഫ് സഹചാരി ജില്ലാകമ്മിറ്റിയുടെ കീഴില്‍ നടത്തുന്ന റമദാന്‍ പ്രഭാഷണം ഇന്നുമുതല്‍ 27വരെ കണ്ണൂര്‍ താണ സാധുകല്യാണ മണ്ഡപത്തിനു സമീപം തയാറാക്കിയ 'ബാബു റയ്യാനില്‍' നടക്കും. രാവിലെ 8.30ന് സമസ്ത ജനറല്‍സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. പി.കെ.പി അബ്ദുസലാം മുസ്‌ലിയാര്‍ അധ്യക്ഷനാകും. സഹചാരിയുടെ കീഴിലുള്ള കര്‍മപദ്ധതികള്‍ പ്രഭാഷണവേദിയില്‍ പ്രഖ്യാപിക്കും. ഇന്നു 'കലിമത്തുത്തൗഹീദ് വിശ്വാസിയുടെ ഉള്‍ക്കരുത്ത്' എന്ന വിഷയത്തില്‍ റഹ്മത്തുല്ല ഖാസിമി മുത്തേടം പ്രഭാഷണം നടത്തും. നാളെയും മറ്റന്നാളും അദ്ദേഹം പ്രഭാഷണം തുടരും. 22, 24 തിയതികളില്‍ സിറാജുദീന്‍ അല്‍ഖാസിമിയും 25നു സിംസാറുല്‍ ഹഖ് ഹുദവിയും 26നു സിദ്ദീഖ് അല്‍ അസ്ഹരിയും പ്രഭാഷണം നടത്തും. 27നു സമാപനം പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. കൂട്ടുപ്രാര്‍ഥനയ്ക്കു മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും. പ്രഭാഷണ നഗരിയില്‍ സ്ത്രീകള്‍ക്കു പ്രത്യേകസൗകര്യം ഒരുക്കിയിട്ടുണ്ട്.