ലണ്ടന്‍: ഇന്ത്യന്‍ വംശജയായ ഫാര്‍മസിസ്റ്റ് ലണ്ടനില്‍ കൊല്ലപ്പെട്ട സംഭവത്തില്‍ ഭര്‍ത്താവിനെതിരെ കൊലക്കുറ്റം ചുമത്തി. മുപ്പത്തിനാലുകാരിയായ ജസീക്ക പട്ടേല്‍ കൊല്ലപ്പെട്ട സംഭവത്തില്‍ ഭര്‍ത്താവ് മിതേഷ് പട്ടേലിനെ(36)യാണ് അറസ്റ്റ് ചെയ്തത്.

ടീസൈഡ് മജിസ്‌ട്രേറ്റ്‌സ് കോടതിയാണ് കൊലക്കുറ്റം ചുമത്തി അറസ്റ്റിന് ഉത്തരവിട്ടത്. കഴിഞ്ഞ തിങ്കളായാഴ്ചയാണു ജസീക്കയെ വീടിനുള്ളില്‍ മരിച്ച നിലയില്‍ കണ്ടെത്തിയത്.

ഭര്‍ത്താവിനൊപ്പം മിഡില്‍സ്ബറോയില്‍ ഫാര്‍മസി ഷോപ് നടത്തുകയായിരുന്നു ജസീക്ക. മാഞ്ചസ്റ്റര്‍ യൂണിവേഴ്‌സിറ്റിയില്‍ പഠനകാലത്താണ് ഇരുവരും കണ്ടുമുട്ടുന്നത്. പിന്നീട് വിവാഹിതരായി. ഇവര്‍ക്കിടയില്‍ പ്രശ്‌നങ്ങളൊന്നും ഉള്ളതായി അറിവില്ലെന്ന് അയല്‍വാസികള്‍ പറയുന്നു. കൊലപാതകത്തിനുള്ള കാരണം വ്യക്തമായിട്ടില്ല. പോസ്റ്റ്‌മോര്‍ട്ടം റിപ്പോര്‍ട്ട് ഉള്‍പ്പെടെയുള്ള വിവരങ്ങളും പുറത്തുവിട്ടിട്ടില്ല. അന്വേഷണം തുടരുകയാണെന്ന് പൊലിസ് അറിയിച്ചു.