എടവണ്ണ: നിയന്ത്രണം വിട്ട സ്വകാര്യ ബസ് ഇലക്ട്രിക് പോസ്റ്റിലും സമീപത്തെ വീടിന്റെ മതിലിലും ഇടിച്ചു നിന്നു. എടവണ്ണ കുണ്ടുതോട് കുരിശുംപടിക്കു സമീപം വളവില്‍ ഇന്നലെ ഉച്ചക്ക് 3.45നാണു സംഭവം. മഞ്ചേരിയില്‍ നിന്നു പൂക്കോട്ടുംപാടത്തേക്കു പോകുകയായിരുന്ന കറപ്പാസ് ബസാണ് അപകടത്തില്‍പ്പെട്ടത്.
അപകടത്തില്‍ പരുക്കേറ്റവരെ എടവണ്ണ സ്വകാര്യ ആശുപത്രിയില്‍ പ്രവേശിപ്പിച്ചു. കുരിശും പടി വളവില്‍ നിയന്ത്രണം വിട് ബസ് ചീനിമരത്തില്‍ തട്ടി തൊട്ടടുത്ത ഇലക്ട്രിക് പോസ്റ്റില്‍ ഇടിച്ച ബസ് സമീപത്തെ വീടിന്റെ മതിലില്‍ തട്ടി നില്‍ക്കുകയായിരുന്നു. വീടിന്റെ മതിലില്‍ ഇടിച്ചു നിന്നതിനാല്‍ വന്‍ ദുരന്തം ഒഴിവായി. മഞ്ചേരി-നിലമ്പൂര്‍ റോഡില്‍ അപകടങ്ങള്‍ പതിവാകുന്നത് നിത്യസംഭമായിക്കൊണ്ടിരിക്കുയാണ്.