അരീക്കോട്: അമിതവേഗതയിലെത്തിയ കാര്‍ ബൈക്കിലിടിച്ച് സുപ്രഭാതം പ്രാദേശിക ലേഖകനു പരുക്ക്. സുപ്രഭാതം കിഴിശ്ശേരി ലേഖകന്‍ മുസ്തഫ ജസ്‌രിക്കാണു പരുക്കേറ്റത്. കാവനൂര്‍ മജ്മഅ് അധ്യാപകനായ മുസ്തഫയെ കാവനൂരിലേക്കുള്ള യാത്രാ മധ്യേ കടുങ്ങല്ലൂരില്‍ വെച്ച് എതിരേ വന്ന കാര്‍ ഇടിക്കുകയായിരുന്നു. കൊണ്ടോട്ടിയിലെ സ്വകാര്യ ആശുപത്രിയില്‍ ചികിത്സയിലാണ്. കൈക്കും കാലിനും പരുക്കേറ്റിട്ടുണ്ട്.