കാസര്‍കോട്: ചൂരിയില്‍ നടന്ന കൊലപാതകത്തിന്റെ പിന്നില്‍ പ്രവര്‍ത്തിച്ചവരെ പിടികൂടി മാതൃകാപരമായി ശിക്ഷിക്കണമെന്നും സംഭവത്തെ ഭരണകൂടം ഗൗരവമായി കാണണമെന്നും എസ്.കെ.എസ്.എസ്.എഫ് ജില്ലാ പ്രസിഡന്റ് താജുദ്ധീന്‍ ദാരിമി പടന്നയും ജനറല്‍ സെക്രട്ടറി ഹാരിസ് ദാരിമി ബെദിരയും ആവശ്യപ്പെട്ടു. ആരാധനാലങ്ങള്‍ പോലും കൊലക്കളമാക്കി വര്‍ഗീയ കലാപമുണ്ടാക്കാനുള്ള ശ്രമമാണെന്നു സംശയിക്കേണ്ടിയിരിക്കുന്നു. സഹിഷ്ണുതയിലും മതസൗഹാര്‍ദത്തിലും ജീവിക്കാന്‍ വേണ്ടി സമുദായത്തിനു നന്മ പറഞ്ഞു കൊടുക്കുന്ന ഉസ്താദിനെയാണു കൊലചെയ്തിട്ടുള്ളത്. ഇതിന്റെ പിന്നില്‍ വലിയ സംഘം തന്നെ പ്രവര്‍ത്തിച്ചിട്ടുണ്ടോയെന്നും ഏതെങ്കിലും രാഷ്ട്രീയ പാര്‍ട്ടിയുടെ പിന്തുണയുണ്ടോയെന്നും അന്വേഷിക്കണമെന്നും ഇരുവരും കൂട്ടിച്ചേര്‍ത്തു.