കണ്ണൂര്‍: പൊലിസ് ഉദ്യോഗസ്ഥരെ ഭയപ്പെടുത്തി കീഴ്‌പ്പെടുത്താനുള്ള സംഘപരിവാര്‍ ശ്രമം വിജയിക്കാന്‍ പോകുന്നില്ലെന്ന് സി.പി.എം. നിഷ്പക്ഷമായി നീതിനിര്‍വഹണം നടത്തുന്ന ഉദ്യോഗസ്ഥരെ മൂലയിലിരുത്തുന്ന സമീപനം യു.ഡി.എഫിന്റെയും ബി.ജെ.പിയുടേതുമാണ്. തളാപ്പിലെ ബി.ജെ.പി നേതാവ് സുശീല്‍ കുമാറിന് നേരെ നടന്ന അക്രമത്തിന്റെ പേരില്‍ സി.പി.എം പ്രവര്‍ത്തകരെ അന്വേഷണത്തിന്റെ ഭാഗമായി ദിവസങ്ങളോളം കസ്റ്റഡിയിലെടുത്ത് പീഡിപ്പിക്കുകയാണുണ്ടായത്. പുതിയതെരുവിലെ കാര്യവാഹക് ബിനോയ് ബെനഡിക്റ്റിനെ ആക്രമിച്ചതിലും നിത്യാനന്ദ സ്‌കൂള്‍ അടിച്ച് തകര്‍ത്തതിലും തളാപ്പ് അക്രമത്തിലും സി.പി.എമ്മിന് പങ്കില്ല. സംഭവങ്ങളില്‍ നിഷ്പക്ഷമായ അന്വേഷണം നടത്തി കുറ്റവാളികളെ കണ്ടെത്തണമെന്നും ജില്ലാ സെക്രട്ടറിയേറ്റ് പ്രസ്താവനയില്‍ ആവശ്യപ്പെട്ടു.