ചെങ്ങന്നൂര്‍: ജനശതാബ്ദി എക്‌സ്പ്രസ് ട്രെയിനിനു നേരേയുണ്ടായ കല്ലേറില്‍ യാത്രക്കാരിക്ക് പരിക്കേറ്റു.
കാസര്‍കോട് കാഞ്ഞിരോടുകം കൊട്ടുകാപ്പെട്ടി ജോസഫിന്റെ ഭാര്യ മേഴ്‌സി(59)ക്കാണ് പരിക്കേറ്റത്.
ഇന്നലെ വൈകിട്ട് 5.40 ഓടെ ചെറിയനാട് റയില്‍വേ സ്‌റ്റേഷന് സമീപമാണ് സംഭവം. ഇവര്‍ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സ തേടി. കോട്ടയം റെയില്‍വേ പൊലിസ് കേസെടുത്തു. ഒരു മധ്യവയസ്‌കനാണ് കല്ലെറിഞ്ഞതെന്നും ഇയാളെക്കുറിച്ച് അന്വേഷണം നടന്നുവരികയാണെന്നും ആര്‍.പി.എഫ് അറിയിച്ചു.