വിരാജ്‌പേട്ട: കാസര്‍കോട് പഴയചൂരി ഇസ്സത്തുല്‍ ഇസ്‌ലാം മദ്‌റസാ അധ്യാപകന്‍ മുഹമ്മദ് റിയാസിന്റെ കൊലപാതകം അത്യന്തം ക്രൂരവും കിരാതവുമാണെന്നു സമസ്ത കേരള ജംഇയ്യത്തുല്‍ മുഅല്ലിമീന്‍ സെക്രട്ടറി കുടക് അബ്ദുറഹ്മാന്‍ മുസ്‌ലിയാര്‍. പ്രതികളെ ഉടന്‍ നിയമത്തിനുമുന്നില്‍ കൊണ്ടുവരാന്‍ പൊലിസ് ശ്രമം നടത്തണം. മതേതര രാജ്യത്ത് ന്യൂനപക്ഷ ഭാവി ഭയാശങ്ക ഉളവാക്കുന്നതാണ്. നിഷ്‌കളങ്കരായ വിദ്യാര്‍ഥികള്‍ക്കു മതമൂല്യങ്ങള്‍ പഠിപ്പിക്കുന്ന നിസ്വാര്‍ഥരായ അധ്യാപകനെ ഇരുട്ടിന്റെ മറവില്‍ പള്ളിയില്‍ കയറി കൊലപ്പെടുത്തുന്ന കാടത്തം മതേതര ഇന്ത്യയുടെ യശസിനെ തകര്‍ക്കുന്നതാണെന്നും അദ്ദേഹം പ്രസ്താവനയില്‍ പറഞ്ഞു.