വടകര: സംസ്ഥാനത്തെ മുഴുവന്‍ വിദ്യാലയങ്ങളും ഹൈടെക് ആക്കി മാറ്റാനുള്ള പ്രവര്‍ത്തനങ്ങളാണ് സര്‍ക്കാര്‍ ആസൂത്രണം ചെയ്യുന്നതെന്ന് മന്ത്രി എ.കെ ശശീന്ദ്രന്‍. പൊതുജന സഹകരണത്തോടെ പൊതുവിദ്യാലയങ്ങളെ അന്താരാഷ്ട്ര നിലവാരത്തില്‍ ഉയര്‍ത്താനുള്ള പരിശ്രമങ്ങള്‍ക്ക് നല്ല പിന്തുണയാണ് സമൂഹത്തില്‍ നിന്ന് ലഭിക്കുന്നതെന്നും മന്ത്രി കൂട്ടിച്ചേര്‍ത്തു.
മേപ്പയില്‍ ഈസ്റ്റ് എസ്.ബി സ്‌കൂളിന്റെ  92-ാമത് വാര്‍ഷികവും യാത്രയയപ്പു സമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം. നഗരസഭാ ചെയര്‍മാന്‍ കെ. ശ്രീധരന്‍ അധ്യക്ഷനായി. വിരമിക്കുന്ന അധ്യാപകരായ സി.കെ കൃഷ്ണന്‍, എ. ശിവദാസന്‍, സുരേഷ് സുരാഗ്, വാര്‍ഡ് കൗണ്‍സിലര്‍ കെ. ഷഖില സംസാരിച്ചു.
സമാപനസമ്മേളനം ഇ.കെ വിജയന്‍ എം.എല്‍.എ ഉദ്ഘാടനം ചെയ്തു. വി.പി സിന്ധു, കൊടക്കാട്ട് ബാബു, കെ.കെ പ്രേമ, പി.കെ ഗീത, എ. സുരേഷ്‌കുമാര്‍ സംസാരിച്ചു.
തുടര്‍ന്ന് വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും വിവിധ കലാപരിപാടികളും അരങ്ങേറി.