കൊടുവള്ളി: നിയോജക മണ്ഡലത്തില്‍ സമ്പൂര്‍ണ വികസനം ലക്ഷ്യമാക്കി നടപ്പിലാക്കുന്ന എന്റെ മണ്ഡലം-നന്മയുടെ മണ്ഡലം പദ്ധതിയുടെ ഉദ്ഘാടനം ഏപ്രില്‍ 2ന് രാവിലെ 10.30ന് കൊടുവള്ളി നഗരസഭാ കമ്മ്യൂനിറ്റി ഹാളില്‍ സ്പീക്കര്‍ പി.ശ്രീരാമകൃഷ്ണന്‍ നിര്‍വഹിക്കും. കാരാട്ട് റസാഖ് എം.എല്‍.എ അധ്യക്ഷനാകും. പദ്ധതിയുടെ ഭാഗമായി യുവസംരഭകര്‍ക്ക് ഏപ്രില്‍ 3 തിങ്കള്‍ രാവിലെ 9 മണിക്ക് കൊടുവള്ളി ബ്ലോക്ക് കോണ്‍ഫറന്‍സ് ഹാളില്‍ മാര്‍ഗ നിര്‍ദേശ ക്ലാസ് നടക്കും. വ്യവസായ യൂനിറ്റുകളെ കുറിച്ചും കേന്ദ്ര-സംസ്ഥാന സര്‍ക്കാരുകളുടെ വിവിധ സബ്‌സിഡികളെ കുറിച്ചും വായ്പാ പദ്ധതികളെ കുറിച്ചും ക്ലാസെുകള്‍ നടക്കും.  പരിപാടിയുടെ വിജയത്തിന് ഒ.പി.ഐ കോയ ചെയര്‍മാനും കെ.ബാബു ജനറല്‍ കണ്‍വീനറുമായി 501 അംഗ സ്വാഗത സംഘം കമ്മിറ്റി രൂപീകരിച്ചു. യോഗം കാരാട്ട് റസാഖ് എം.എല്‍.എ ഉദ്ഘാടനം ചെയ്തു. ഒ.പി.ഐ കോയ അധ്യക്ഷനായി. കെ.ബാബു, കോതൂര്‍ മുഹമ്മദ്, പി.രാമചന്ദ്രന്‍ സംസാരിച്ചു.