താമരശേരി: ബ്ലോക്ക് റിസോഴ്‌സ് സെന്ററിന്റെ നേതൃത്വത്തില്‍ മികവ് ഉത്സവം  സംഘടിപ്പിച്ചു. കൊടുവള്ളി നിയോജക മണ്ഡത്തിലെ പൊതുവിദ്യാലയങ്ങളുടെ ഈ വര്‍ഷത്തെ ഭൗതികവും അക്കാദമികവും സാമൂഹികവുമായ നേട്ടങ്ങള്‍ മികവുത്സവത്തില്‍ അവതരിപ്പിച്ചു. പഞ്ചായത്ത് തല മികവുത്സവങ്ങളില്‍ നിന്ന് തിരഞ്ഞെടുത്ത വിദ്യാലയങ്ങളാണ് പങ്കെടുത്തത്. കാരാട്ട് റസാഖ് എം.എല്‍.എ ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് സി.ടി വനജ അധ്യക്ഷയായി.താമരശേരി ഗ്രാമപഞ്ചായത്ത് പ്രസിഡന്റ് കെ.സരസ്വതി, ജില്ലാപഞ്ചായത്ത് മെമ്പര്‍ ഷക്കീല, എ.ഇ.ഒ ടി.പി.അബ്ദുള്‍ മജീദ്, ഡയറ്റ് ലക്ചര്‍ ഇ.എ സണ്ണി, ശിവരാജന്‍, സരേഷ്‌കുമാര്‍, അബുബക്കര്‍ കുണ്ടായി  സംസാരിച്ചു. കൊടുവള്ളി ബി.പി.ഒ വി.എം. മെഹറലി സ്വാഗതവും പി.സി വിശ്വനാഥന്‍ നന്ദിയും പറഞ്ഞു.