മങ്കട: 27 മുതല്‍ ഹരിയാനയിലെ കുരുക്ഷേത്രയില്‍ നടക്കുന്ന ദേശീയ കോഫ്‌ബോള്‍ ചാമ്പ്യന്‍ഷിപ്പില്‍ പങ്കെടുക്കാന്‍ പരിയാപുരം സെന്റ് മേരീസ് ഹയര്‍ സെക്കന്‍ഡറി സ്‌കൂളിലെ ആറു കായിക താരങ്ങള്‍. സബ് ജൂനിയര്‍ കേരള ടീമില്‍ എട്ടാം ക്ലാസ് വിദ്യാര്‍ഥികളായ സാജന്‍ കെ. സന്തോഷും, അലന്‍ ജോണും കളിക്കും.
ജൂനിയര്‍ വിഭാഗം സംസ്ഥാന ടീമില്‍ ഒന്‍പതാം ക്ലാസ് വിദ്യാര്‍ഥികളായ മില്‍ട്ടണ്‍, സാന്ദ്ര ഫിലിപ്പ്, ഷിബിന്‍ എ. ഷാജി എന്നിവര്‍ കേരളത്തിന്റെ ജഴ്‌സി അണിയും.
കായികാധ്യാപകനായ കെ.എസ് സിബിയാണ് മുഖ്യപരിശീലകന്‍. മത്സരത്തില്‍ പങ്കെടുക്കാന്‍ താരങ്ങള്‍ നാളെ പുറപ്പെടും.