മാനന്തവാടി: വള്ളിയൂര്‍ക്കാവ് ഉത്സവത്തിന്റെ ഭാഗമായുള്ള സംസ്‌ക്കാരിക സമ്മേളനം ഈമാസം 25ന് നടക്കുമെന്ന് ഉത്സവാഘോഷ കമ്മിറ്റി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. താഴെ കാവിലെ ഉത്സവാഘോഷ കമ്മിറ്റി സ്റ്റേജില്‍ വൈകുന്നേരം 6.30ന് ഒ.ആര്‍ കേളു എം.എല്‍.എ ഉദ്ഘാടനം ചെയ്യും. മലബാര്‍ ദേവസ്വം ബോര്‍ഡ് പ്രസിഡന്റ് സജീവ് മാറോളി മുഖ്യപ്രഭാഷണം നടത്തും. 28ന് സമാപന സമ്മേളനം ദേവസ്വം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. ഉത്സവത്തിനെത്തുന്ന ഭക്തര്‍ക്ക് ആവശ്യമായ സൗകര്യങ്ങള്‍ ഒരുക്കിയതായി വാര്‍ത്ത സമ്മേളനത്തില്‍ പങ്കെടുത്ത ആഘോഷ കമ്മിറ്റി ചെയര്‍മാന്‍ കമ്മന മോഹനന്‍, സെക്രട്ടറി പി.വി സുരേന്ദ്രന്‍, ട്രസ്റ്റി ഏച്ചോം ഗോപി, എക്‌സിക്യുട്ടീവ് ഓഫിസര്‍ കെ.വി നാരായണന്‍ നമ്പൂതിരി, സന്തോഷ് ജി.നായര്‍, ഇ.വി വനജാക്ഷി ടീച്ചര്‍ അറിയിച്ചു.