കരുനാഗപ്പള്ളി: മോഷണ മുതലുമായി വന്ന കള്ളനെ നാട്ടുകാര്‍ പിടികൂടി പൊലിസിലേല്‍പ്പിച്ചു.
കരിക്കോട് കിളികൊല്ലൂര്‍ കല്ലുവിള കിഴക്കതില്‍ രാജു (47) നെയാണ് കഴിഞ്ഞ ദിവസം കുലശേഖരപുരം കടത്തൂര്‍ ശാസ്താംപൊയ്ക ജങ്ഷനില്‍ വെച്ച് നാട്ടുകാര്‍ പിടികൂടിയത്. പുലര്‍ച്ചെ 3.30ന് മോഷണ വസ്തുക്കള്‍ ചാക്കില്‍ കെട്ടി സൈക്കിളില്‍ വന്ന ഇയാളെ സംശയം തോന്നിയതിനെ തുടര്‍ന്നു നാട്ടുകാര്‍ തടഞ്ഞു നിര്‍ത്തി ചോദ്യം ചെയ്യുകയും പൊലിസില്‍ അറിയിക്കുകയുമായിരുന്നു.
പൊലിസെത്തി നടത്തിയ പരിശോധനയില്‍ തഴവ കടത്തൂര്‍ കൃഷ്ണ ഭവനത്തില്‍ നിന്ന് മോഷ്ടിച്ച ഓട്ട് വിളക്ക്, കിണ്ടി, ഓട്ട് പാത്രങ്ങള്‍, സൈക്കിള്‍ എന്നിവ കണ്ടെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.