ഒറ്റപ്പാലം: 22ാമത് ദുബൈ ഇന്റര്‍നാഷണല്‍ ഹോളി ഖുര്‍ആന്‍ മത്സരത്തില്‍ പങ്കെടുക്കാനായി ഒറ്റപ്പാലം കോതകുര്‍ശ്ശി അബ്ദുള്ള ഹിഫ്‌ളുല്‍ ഖുര്‍ആന്‍ കോളജ് വിദ്യാര്‍ഥി റോഷന്‍ അഹമദ് പുറപ്പെട്ടു.
104 രാജ്യങ്ങളിലെ പ്രതിനിധികള്‍ പങ്കെടുക്കുന്ന ഹോളി ഖുര്‍ആന്‍ മത്സരത്തില്‍ ഇന്ത്യയുടെ പ്രതിനിധിയായാണ് റോഷന്‍ പങ്കെടുക്കുന്നത്. ഖുര്‍ആന്‍ സമ്പൂര്‍ണമായി മനഃപാഠമാക്കിയ 21 വയസില്‍ താഴെയുള്ള മത്സരാര്‍ഥികളാണ് മെയ് 23 മുതല്‍ ദുബൈ ഭരണകൂടം ആതിഥ്യമരുളുന്ന പരിപാടിയില്‍ മാറ്റുരക്കുന്നത്.
അബ്ദുള്ള ഹിഫ്‌ളുല്‍ ഖുര്‍ആന്‍ കോളജില്‍ സ്‌കൂള്‍ വിദ്യഭ്യാസത്തോടൊപ്പം ഹിഫ്‌ള് പഠനം പൂര്‍ത്തികരിച്ചു ദൗറ നിര്‍വഹിച്ചുകെണ്ടിരിക്കുന്ന റോഷന്‍ അഹമദ് കോഴിക്കോട് സ്വദേശികളായ ശംസുദ്ധീന്‍ മുംതാസ് ദമ്പതികളുടെ മകനാണ്.