പള്ളിപ്പുറം: പള്ളിപ്പുറം ദാറുല്‍അന്‍വാര്‍ ഇസ്‌ലാമിക് കോംപ്ലക്‌സിന്റെ 15ാം വാര്‍ഷികത്തിന്റെ ഭാഗമായി നൗഷാദ് ബാഖവിയുടെ പ്രഭാഷണവും ദുആ സമ്മേളനവും 26, 27 തിയതികളിലായി മൂന്നുമൂല അന്‍വാര്‍ നഗറില്‍ കാലത്ത് ഒന്‍പതു മണി മുതല്‍ നടക്കും.
ചടങ്ങില്‍ കെയ്‌റോ ആസ്ഥാനമായി പ്രവര്‍ത്തിക്കുന്ന ഇസ്‌ലാമിക് യൂണിവേഴ്‌സിറ്റി ലീഗ് നിര്‍വാഹക സമിതി അംഗമായി ഇന്ത്യയില്‍ നിന്നും തെരഞ്ഞെടുക്കപ്പെട്ട സി.ഐ.സി കോഡിനേറ്റര്‍ അബ്ദുല്‍ ഹഖീം ഫൈസി ആദ്യശ്ശേരിയെ ആദരിക്കും. ഈ മാസം 26ന് കാലത്ത് ഒന്‍പതു മണിക്ക് ദാറുല്‍അന്‍വാര്‍ തഹ്ഫീളുല്‍ ഖുര്‍ആന്‍ കോളജ് പ്രിന്‍സിപ്പല്‍ ഹാഫിള് കെ.ടി സാജിദ് മുസ്‌ലിയാര്‍ തിരുവേഗപ്പുറയുടെ പ്രാര്‍ഥനയോടെ ചടങ്ങുകള്‍ക്ക് തുടക്കമാകും.
ഡി.എ.ഐ.സി സെക്രട്ടറി പി.കെ മുഹമ്മദ് കുട്ടി മുസ്‌ലിയാര്‍ സ്വാഗതം പറയും. ജനറല്‍സെക്രട്ടറി അല്‍ഹാജ് സി.കെ.എം സാദിഖ് മുസ്‌ലിയാര്‍ അധ്യക്ഷനാകും. കെ. ആലിക്കുട്ടി മുസ്‌ലിയാര്‍ ഉദ്ഘാടനം നിര്‍വഹിക്കും. പി.കെ കുഞ്ഞാലിക്കുട്ടി എം.പി മുഖ്യാഥിതിയാകും. പി.കെ കുഞ്ഞാലിക്കുട്ടിയില്‍ നിന്നും അബ്ദുല്‍ഹഖീം ഫൈസി ആദ്യശ്ശേരി ആദരം ഏറ്റുവാങ്ങും.
സമസ്ത കേന്ദ്രമുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ ദുആ സമ്മേളനത്തിന് നേതൃത്വം നല്‍കും. എ.എം നൗഷാദ് ബാഖവി ചിറയിന്‍കീഴ് റമദാന്‍ പ്രഭാഷണം നടത്തും. സി.എ.എം.എ കരീം, സയ്യിദ് ഹസ്സന്‍ തങ്ങള്‍ കൊപ്പം, പി. മുഹമ്മദ് കുട്ടി മുസ്‌ലിയാര്‍, പി. കുഞ്ഞിപ്പു മുസ്‌ലിയാര്‍, ബഷീര്‍ മാസ്റ്റര്‍ സംബന്ധിക്കും.
ഡി.എ.ഐ.സി സെക്രട്ടറി പി.ടി ബാവനു ഹാജി വിളത്തൂര്‍ നന്ദി പറയും. 27ന് നടക്കുന്ന ചടങ്ങില്‍ വൈസ് പ്രസിഡന്റ് സി.പി മുഹമ്മദ് കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. ഡി.എ.ഐ.സി വൈസ് പ്രസിഡന്റ് പി. മുഹമ്മദ് മാനുഹാജി കൈപ്പുറം സ്വാഗതം പറയും.
വൈസ് പ്രസിഡന്റ് പി.ടി മുഹമ്മദ്കുട്ടി ഹാജി വിളത്തൂര്‍ അധ്യക്ഷനാകും. പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും.
എ.എം നൗഷാദ് ബാഖവി ചിറയിന്‍കീഴ് രണ്ടാം ദിന റമദാന്‍പ്രഭാഷണം നിര്‍വഹിക്കും. ഡി.എ.ഐ.സി സെക്രട്ടറി എം.പി ആലസ്സന്‍ ബാവ നന്ദി പറയും.